General Santos City–Padayon matud pa ang ginahimong imbistigasyon karon sa Police Station 3 sa nahitabong pagpamusil sa ilahang area kung asa patay ang usa ka Micheal Otucan samtang samdan man usab ang usa ka Roger Paragoso.
Sumala pa ni Police Major Joel Martinez ang hepe sa Police Station 3 nga angulong paglambigit sa duruha sa pagpangawat ang ginasundan nga motibo karon sa kapulisan nganong gipamusil ang mga nasangpit nga biktima.
Basi matud pa sa record sa kapulisan ang usa sa mga biktima ang nakuhaan ug CCTV footage nga na-involve sa pagpangwat dili lang sa area sa Police Station 3 lakip na sa uban pang area.
Sa karon blangko pa ang Police Station 3 sa posibleng mga suspect sa maang pag pamusil sa duha ka mga biktima.
Kung kahinumduman nga nakita nalang nga walay kinabuhi sa Novitiate Compound, Barangay Lagao ang lawas si Micheal Yata nga dunay samad pinusilan sa ulo nga bahin samtang swerte man usab nga nakadagan palayo sa maong lugar si Paragoso hinungdan nga wala kini mapuruhan.(Dave Silagan)
