General Santos City–Padayon pang gi-imbistiogahan karon sa Police Station 3 ang nahitabo nga pagpamusil sa wala pa mailhing responsible sa biktimang si Alimudin Aros Abdul Karim alyas Manila Boy, 45 anyos, nga nanimuyo sa Purok Malagat, FVR village, Barangay Fatima , Gensan.
Sumala pa ni PCI Peter Pinalgan Jr. nga sa karon ila nang gina tan-aw ang mga kopya sa CCTV duol sa Crime Scene alang sa posibling pag-ila sa identity sa suspek.
Kalabutan sa iligal nga droga ang usa sa mga gina tan-aw nga motibo sa kapulisan sa pagpamusil patay sa biktima.
Kahinumduman nga gikan ang nasampit sa korte mitambong sa hearing sa kasong iyang giatubang.
Nasayran nga kanhi nang nasikop ang suspect niadtong tuig 2017 tungod sa pag pamaligya ug iligal nga droga sa area sa Police Station 3 ug na-commit sa Gensan City Reformatory Center niadtong June, 2017 apan naka pyansa maong nakagawas.(Dave Silagan)
