General Santos City—Padayon ang ginahimong imbistigasyon karon sa Police Station 1 kabahin na sa pagpamusil sa duha ka mga suspetsadong nakamotorsiklo ngadto sa biktimang si Roland Calope, 36 anyos, kanhing preso, ug nanimuyo sa Barangay Dadiang West ning syudad kung asa naka-angkon kini ug usa ka samad pinusilan sa iyahang tiil hain nadamay pa ang usa ka10 anyos nga batang lalaki nga naka-angkon ug samad sa sampoty ug sa iyang tiil.
Sumala pa ni Police Captain Abdulsalam Mamalinta, ang hepe sa Police Station 1 nga pauli na unta sa iyahang panimalay ang biktima sakay sa iyahang gimanihuan nga tricycle sa dihang gipusil kini sa mga suspect apan swerte nga nakadagan kini palayo.
Dugang pa ni Captain Mamalinta nga human nakadungog ang usa ka police nga si Patrolman Michael Roma miresponde kini ug gipabuthan ang mga suspect nga apan nakasibat palayo sa maong lugar.
Samtang usa sa mga ginatan-aw karon sa kapulisan nga anggulo sa pagpamusil mao ang kanhing kalambigitan niini as iligal nga gimbuhaton.
Nasaryan nga bag-ohay ra gayud nakagawas si Calope sa Lanton Reformatory Center tungod sa iyahang salaod.
Sa kasamtnagan blangko pa ang kapulisan sa ilhanan sa mga suspect nga mipusil sa biktima.(Dave Silagan)
