General Santos City—Gikumperma karon ni MTFRB Action Officer Madam Geraldine Zamora sa pakighinabi kaniya sa RMN Gensan nga hurot na ang 400 nga mga nahabiling mga prangkisa nga gipang apud apud sa lokal nga panggamhanan sa dakbayan alang ngadto sa mga traysikel operators sa Gensan nga mga kolurom apan kwalipikado.
Gitubag usab ni Zamora ang tirada ni Larry Villegas sa TIRES PISTON nga gubot pa sa lukot ang pagpang apud apud sa mga prangkisa sa ilahang buhatan tungod sa adunay daghang mga fixers og may pinalabi kini nga mga kaila.
Giklaru usab ni Zamora ang mga pasangil nga sagad sa mga nahatagan og prangkisa sa traysikel ang iyahang mga kabanay, dili usab tinuod nga kapit tuko kini sa pwesto og pamatuod pa sa Action Officer sa MTFRB Gensan nga dugay na kining naghangyo ngadto sa buhatan ni Gensan Mayor Ronnel Rivera nga ibalik na lamang kini sa iyahang daang trabahao isip Department Head sa Permits and Licensing Division sa Gensan og ihatag na lamang sa uban ang posisyon nga pagka Action Officer sa Motorized Franchising Regulatory Board. (Kasamang Emir Bariquit)
