General Santos City–gikabutyag karon ni Comelec Gensan Election Officer Atty. April Mitchor nga lakip sa pagamonitoron sa Comelec ang pag pangampanya sa mga kandidato sa umaabot nga barangay ug sk election sa social media aron nga mamahimong patas ang laban sa eleksyon.
Sumala pa ni Atty. Mitchor nga nagpakanaug na ug resolusyon ang Comelec kabahin sa pag regulate sa pag pangampanya sa mga kandidato sa ilahang social media account aron usab nga dili ma-abuso.
Kung kaniadto ang common poster area, pag gawas sa radyo ug tv ingon man dyaryo sa mga election materials sa mga kandidato lang ang ginamonitor sa comelec karon na dugangan na kini tungod usab sa pag-bag-o sa panahon hinungdan nga dili na usab maka pagusto ang mga kandidato ug butang sa ilahang mga campaign materials sa social media tungod posible kining mamahimong hinungdan nga sila madiskwalipika gimikan sa paglapas sa election law.
Dugang pa ni Atty. Mitchor nga kinahanglan nga ma-edukar na ang mga kandidato ug mga supporters niini nga musunod sa mga guidelines aron usab nga dili sila mag pasagad ug gamit sa social media. (Dave Silagan)
