General Santos City–gipaabot nalang sa Police Station 4 nga mobalik sa ilahang estasyon ang tulo ka mga indibidwal nga nabiktima sa hold-up sa diversion road, Prk. Udagre, Barangay Conel ning syudad sa Gensan kansa nakuhaan matud pa ug 5 ka milyon ka pesos.
Sumala pa ni Police Lieutenant Ben Venus ang Deputy Chief Of Police sa Police Station 4 nga padayon ang ilahang ginahimong makuting imbistigasyon kalabutan niini ug gipaabot nalang nila ang mga biktima aron nga makuhaan ug dugang salaysay sa panghitabo.
Dugang pa ni P/Lt Venus nga wala man usab nila nakitaan ug interes ang mga nahigutang biktima aron nga gilayon maidentify ang mga suspect niini.
Samtang giangkon man usab sa nahisgutang opisyal nga aduna man usay pagduda sa ilahang mga huna-huna kabahin na sa maong pagpang holdap kung asa dili matud pa gamay ang natangag nga kwarta sa mga suspect.
Sumala pa ni Police Venus nga maka dudahan matud pa kung na unsa sila pag holdap sa mga suspect nga naka sakay man unta sila ug kotse nga mas paspas sa motorsiklo mudagan.
Dugang pa niini nga nganong sa diversion road sila niagi nga naa matud pay mas luwas nga agian ug daghan sakyanan nga aduna man unta silay dala nga dakong kantidad sa kwarta. (Dave Silagan)
