Pag-recall sa ginhatag nga otoridad kay City Mayor Ronnie Dadivas sa pagbatun sang donasyon nga rescue vehicle halin sa Chiyuto Creative Wealth Document Facilitation Services, unanimous decission sang city council!

79

Roxas City, Capiz – Gin-athag ni City Councilor Atty Paul Ivan Baticados nga nangin ‘unanimous’ ang desisyon sang city council nga i-recall anay ang otoridad nga ginhatag sini sa alkalde sang syudad agud nga indi pagbatunon ang gindonar nga rescue vehicle sang Chiyuto Creative Wealth Document Facilitation Services.
Ini ang bangud man sa isa ka sulat kag reklamo nga naga-kwestyon sa akto sang city government nga basi sa ulihi mangin rason sang pila ka mga teknikalidad sa layi.
Suno kay City Councilor Atty Paul Ivan Baticados, ang tanan nga present sa amu nga session ang nagsuporta sa resolusyon sang city council nga ipa-iway anay ang pagbaton sang city government sa ginadonar nga rescue vehicle kag agud ini ang matun-an sang husto.
Ini ang liw-as naman sa nagalapta nga balita nga apat gid ka mga konsehal sang syudad ang nagpamatok nga batunon ang gindonar nga salakyan.
Samtang ginpunto naman ni City Councilor Atty Paul Ivan Baticados nga welcome naman sa city government nga batunon ang amo nga salakyan kun klaro na ang tanan nga mga dokumento kag kun wala sang may makit-an nga malapas nga kasugoan.

Facebook Comments