Malaybalay City, Bukidnon – Gitawag nga lutong Macau sa Kilusang Magbubukid ng Pilipinas kon KMP ang pag-reject sa Commission on Appointments kon CA ni kanhi DAR Sec. Rafael Mariano.
Sa interview sa RMN Malaybalay ngadto kang Antonio Ka Tunying Flores, ang secretary general sa KMP gibutyag niini nga kaniadtong Setyembre 4 nagtawag sa iyaha si Special Assistant to the President Christopher Bong Go ug nag-ingon nga nadawat niini ang mga mensahe niya kalabot sa pagkumpirma ni Mariano ug nagsakit daw ang ulo ni Pangulong Duterte tungod sa mga congressman.
Apan matud ni Flores nga gihimong basehan sa CA sa pagreject ni Mariano ang intelligence report sa Armed Forces of the Philippines ug ang joint resolution nga nakapirma sila si AFP Chief Gen Eduardo Año, Defense Secretary Delfin Lorenzana, Davao City Mayor Sara Duterte, Mayor sa Tagum City ug pipila ka gobernador sa rehiyon 11 kalabot kini sa pag-atake sa New People’s Army o NPA sa pasilidad sa Lapanday Foods Corp sa Davao City kaniadtong bulan sa Abril.
Matud ni Flores nga dili ang botohan sa CA ang nakapa-reject ni Mariano kung dili tungod sa tingog sa pipila ka cabinet general ni Pangulong Duterte.
