General Santos City–Tulo ka mga Barangay Kapitan sa Gensan nagbutyag nga dili solusyon ang pag-reshuffle sa mga chief of police sa dakbayan aron lamang maresolba ang mga krimen nga nagakahitabo sa nagkadaiyang brgy.sa syudad.
Sumala pa nilang kapitan May Boga sa Barangay Mabuhay, Kapitan Roleto Blando sa Brgy. Lagao ingon man si Kapitan Jeffrey Salanio sa Brgy. Tinagacan nga ang pag-reshuffle sa mga labaw sa police station sa Gensan ang dili makaresolba sa mga krimen kundili ang tabang gayud sa mga katawhan ang labing epektibo gumikan kay sa gamay sa ihap sa mga kapulisan dili niini tanang lugar sa dakbayan ang ilahang mabantayan.
Dugang saysay sa tulo ka mga kapitan nga bisan si kinsa ang ipuli nga chief of police sa matag station duna pa gihapoy mga krimen nga mahitabo gumikan kay ang mga criminal pulis lang ang ilang ginabantayan hinungdan nga makahimo gihapon sila ug krimen.
Apan gipaklaro sa mga nasampit nga suportado nila ang sugyot ni kagawad Atty.Edmar Yumang kansa naghupot sa komitiba sa peace and order sa konseho nga iyang i-reshuffle ang mga COP sa walo ka police station sa syudad ug sumala pa niini nga nagdepende kini sa pagdumala sa mga opisyal sa kapulisan kung unsa nga mga stratehiya ang ilang himoon aron madakpan kining mga nagahimo ug mga dautang tumong sa ilang area of responsibility. (Reynald Timario)
