Sarangani Province—ekstorsyon ang usa sa mga anggulong gitutukan sa Malapatan Municipal Police Station kalabutan sa pagsunog sa Delivery Van nga iyaha sa KCC mall of Gensan sa may Barangay Tuyan, Malapatan, Sarangani Province kagahapong adlawa.
Sumala ni Police Chief Inspector Theng Bacal, Hepe sa Malapatan PNP nga sa kasamtagan ang ekstorsyon maoy pinakaduol nga motibo sa pag sungod sa nagpailang miyembro sa NPA ngadto sa maong 10 wheeler truck.
Nasayran nga alas 9:00 sa buntag kagahapong adlawa dihang gisunog sa 5 ka mga armadong lalaki ang van samtang kini nag park atubangan sa usa ka tindahan samtang nag deliver ang mga pahenante sa ilang mga baligya sa maong lugar.
Samtang sa karon nagpadayon pa ang hot pursuit operation sa Kapulisan ug sa Militar nga sakop sa 73rd Infantry Battalion sa kabukiran nga bahin sa lungsod batok sa mga armadong responsabli sa ingon.
