General Santos City–Gitugyan nalang sa Police Station 5 ngadto sa Soco ang pagsuta sa kalaberang una nang nakaplagan sa sagbutang bahin sa Purok Ngilay, Barangay Tambler, Gensan niadtong adlaw nga Lunes.
Sumala ni Police Sr. Inspector Limuel Enrijo, Deputy Chief Of Police Sa Police Station 5 nga ang SOCO lang may kapasidad sa pagsuta sa maong kalabera aron masayran kung kini ba babaye o lalaki.
Ila usab sutaon kung posibleng gituyo ug patay ang maong tawo o dili ba kaha natural death ang hinungdan sa kamatayon sa nasampit.
Gibutyag pa ni PSI Enrijo nga alas 8:00 sa buntag niadtong Lunes dihang sila nakadawat ug report nga matud pa adunay nakaplagang kalabera sa lugar.
Dihang ilang girespondihan dili na gyud mailhan ang maong tawo tungod pulos bukog nalang ang nahibilin. Posible nga wala dayon makit-an ang patayng lawas sa maong tawo tungod medyo layo ang maong lugar sa mga kabalayan.
