TACLOBAN CITY – Iginbabawal na ha Calbayog City, Samar an mga tsismis, karugyag sidngon bawal na gihapon an mga tsismosa ngan tsismoso.
Sumala kan PSupt. Joie Pacito Yape, Chief Of Police han Calbayog, amu nga nag aaway-away an mga tawo ha Calbayog tungod han tsismis.
“Bawal na po ang tsismosa dito sa Calbayog, kasi yun ang rason kung bakit nagkaroon ng problema. Kasi magrereport-report yan sa kanilang mga leader at mag aaway-away.”
“Mga supporters ng mga politiko ang mga nag aaway-away rito.”
Kun mapamatud-an nga an gintikangan han away o samok in tsismis, dayon nga igpapatawag han mga kapulisan an mga tawo nga nagpakalat hini.
Siring ni Yape, posible nga umatubang hin kaso nga slander an mga tsismosa ngan tsismoso nga may pagkapreso nga maabot ha upat (4) kabulan tubtob duha (2) katuig.
May naresolba na gihapon an pnp Calbayog nga 6 nga kaso hin tsismis.
