Malaybalay City, Bukidnon – Gipasabot sa National Food Authority kon NFA Bukidnon ang hinungdan nganong nigamay ang supplay karon sa NFA Rice sa kamerkaduhan sa probinsya.
Sa interview sa RMN Malaybalay ngadto kang Gil Tabor, ang Provincial Manager sa NFA Bukidnon gibutyag niini nga wala kaayo’y presensiya sa NFA rice sa merkado sa pagkakaron tungod kini sa naka-pending nga request alang sa importation sa 250 metric tons.
Hinoon giklaro niini nga adunay supply sa bugas sa Bukidnon apan ilang giminusan ang pagpagawas.
Pasabot niini nga ilang iprayoridad ang mga dapit nga apektado sa nakalabay nga kalamidad ilabina nga adunay gideklarang state of calamity sa probinsya.
Mandato usab daw nila nga mag-reserve ug supply aron adunay maggamit panahon sa emerhinsya.
