PAG-ULI SA MGA LSI SA OROQUIETA, TEMPORARYONG IPA-SUSPENDE

29

Gipangayo karon sa lokal nga inter-agency task force sa Oroquieta City, Misamis Occidental, ngadto sa regional IATF, ang temporaryo nga pagsuspende sa pagpanguli sa mga returning residents hangtud sa petsa 31 ning bulan sa Enero.

Sa usa ka resolution, miingon si Oroquieta Mayor ug local IATF chairman Lemuel Meyrick Acosta, nga tungod kay padayong nagkadaghan ang kumpirmadong kaso sa COVID-19, kinahanglan nilang mo-focus sa ilang responses hangtud nga mobalik ang pag-ubos niini.


Mas makatabang, matud pa, kung maka-concentrate ang mga health workers sa ilang trabaho sa sulod.

Gawas pa niini, halos mapuno na ang mga quarantine facilities sa probinsiya sa mga gipang-isolate nga mga returning residents.

Dungan usab niini ang pagpahibalo sa probinsiyal ng kagamhanan sa Misamis Occidental nga napuno na ang provincial quarantine facility sa mga returning residents nga nag-positibo sa COVID-19 test.

Hangtud Enero 2, anaa na sa 147 ka mga aktibong kaso ang natala karon sa probinsiya diin ang 65 niini gikan sa Oroquieta City. 




Facebook Comments