General Santos City–Wala pa masayran kung usa gyong adlawa muabot sa Pilipinas ang OFW nga si Jennifer Dalquez nga taga Barangay Labangal kansa una nang nakalingkawas sa hukom bitay didto sa United Arab Emirates kon UAE.
Sumala ni Rahima Dalquez, inahan ni Jennifer nga sa kasamtangan aduna pay pipila ka mga dukumento nga ginaproseso didto sa UAE human nga nakagawas sa prisohan ang iyang anak.
Kahinumduman nga mayo tuig 2018 dihang gihukman ug bitay si Jennifer human niyang napatay ang iyang amo human siyang gisuwayan niini ug lugos.
Dugang pagbutyag ni Rahima nga niadotng Oktobre 22, nitawag kaniya ang iyang anak aron siya pahibal-on nga hapit na kining makagawas sa prisohan. Oktobre 25 dihang hingpit nga nakagawas sa prisohan ang nasangpit.
Nasayran nga kagahapong adlawa nahidangat personal sa buhatan sa DFA si Rahima aron sayron unsang adlawa gyud makauli sa Pilipinas ang iyang anak.
