Giunay pagpatay sa uyoan ang iyang pag-umangkon didto sa Pitalo sa lungsod sa San Fernando human nagkainitay ang ilang panaglalis samtang sila nag-inom .
Ang suspek nga si Elmar Sayago nga taga Consolacion niadto sa San Fernando aron bisitahon ang iyang gipaayo nga balay .
Samtang ang iyang nadunggaban ug napatay mao ang iyang pag-umangkon nga si Daniel Igot .
Nasuko ang suspek dihang nasayran nga wa diay matrabaho sa iyang gisugo nga ig-agaw ra usab sa biktima ang iyang balay.
Unang naglalis ang suspek ug ang ig-agaw sa biktima , apan dihang nagkainom-inom na sila nagsugod na ang panaglalis ug nisangpot sa pagdunggab ni Sayago sa iyang pag-umangkon nga si Igot .
Ang suspek mao ra usab ang nagda sa biktima ngadto sa tambalanan apan nakabsan kini sa kinabuhi tungod sa samad sa iyang tiyan.
