PAG-UNDANG SA SUNDAY LOCKDOWN HISGUTAN PA SA IATF

23

General Santos City–Gibutyag ni Gensan City Mayor Ronnel Rivera nga nakatakdang hisgutan sa Local IATF ang hangyo nga undangon ang implementasyon sa Sunday lockdown.
Saysay ni Mayor Rivera nga unsa man ang mamahimong desisyon sa local IATF, iyaha lang usab nga tumanon.
Giklaro usab niini nga sa karon, mas gina-hatagan niya ug prayoridad ang mga frontliners sama sa mga Doktor, BHERTS ug uban pa nga maoy nakigbatok sa covid.
Dugang pamahayag ni Mayor Rivera nga ang pagpadayon sa implemetasyon sa Sunday lockdown ang magdepende sa desisyon sa local IATF.
Samtang gibutyag sa Mayor nga dakong tabang sa dakbayan ang Sunday lockdown kung asa tumong niini aron nga malimitahan ang lihok sa katawhan hilabina sa adlaw’ng Domingo kung asa sagad sa katawhan ang walay trabaho.(LVR)

Facebook Comments