BARANGAY HALL SA BARANGAY BULA, GIPA-ILALOM SA PITO KA ADLAW NGA LOCKDOWN

19

General Santos City–Pabiling naka-lockdown hangtud sa Nobyembre 2 ang barangay Hall sa Barangay Bula human magpositbo ang usa ka opisyal sa Barangay.

Sumala kang Clinnel Sustraido, Secretary sa Barangay nga nakapahigayon na ug contact tracing ang Rural Health Unit sa barangay ingon man ang City Epidemiology Surveilance Unit kon CESU.


Labing naapektuhan matud pa ang administrative nga trabaho sa barangay gumikan sagad sa mga naka-quarantine ang gikan sa ilahang departamento.

Dugang pamahayag ni Sustraido nga anaa sa napulo ang naunang napa-ilalom sa contact tracing ug nagapadayon pa karon ang ginahimo nga tracing para sa 2nd ug 3rd level.

Panghinaut niya nga karon lang nga semana mamahimong apektado ang operasyon sa ilahang barangay.

Samtang Gikumperma usab ni Gensan City Mayor Ronnel Rivera nga nagpositibo sa Covid-19 si Barangay Bula Kapitan Nicanora Vargas. Iyang gihingusgan nga dili kini malikayan gumikan usa siya ka frontliner.




Subay matud pa sa impormasyon gikan sa kapitan ug sa RHU, anaa kini sa stable nga kondisyon ug walay dapat kabalak-an sa iyang sitwasyon.LVR)

Facebook Comments