Ginhingyo ni South Cotabato Governor Reynaldo Tamayo Jr., sa mga opisyal kag mga pumuluyo sa pagdeliver niya sang 100 days report kadungan sang ginpatigayon nga Provincial Liga day sang mga barangay opisyal sa probinsya kahapon nga adlaw nga mag-unite para matuman suno pa ang paghatag sang tama kag maayo nga pagserbisyo.
Suno sa gobernador tungod kon siya kag sila lang nga mga opisyal ang indi makaya nga malab-ot ang handom para sa kaayuhan sang South Cotabato.
Sa 100 days niya suno pa sa pwesto naplastar nila ang executive legislative agenda ukon ang mangin direksyon sang provincial government sa sulod sang tatlo ka tuig, pagpatuman sang free hospitalization, free education sa diin nagpain siya sang kapin sa P14 million para sa elementary kag high school sa mga pampubliko nga eskwelahan bilang educational assistance, pag-address sang problema sa armed conflict sa boundary sang Brgy. Ned kag Palimbang, Sultan Kudarat kag masunod sini nga iresolber ang masobra na tatlo ka tuig nga armed conflict sa Brgy. Landan sang Polomolok, pag-umpisa sang mga infrastructure projects, pagbulig sa mga mangunguma kag iban pa.
Samtang ginhan-ay man sini ang mangin plano pa kapareho na lamang sang pagpatuman sang educational augmentation sa tertiary level, pagbakal sang dialysis equipment nga ginpasalamatan ang Sangguniang Panlalawigan sa pag-aproba sang pondo sini, preparasyon sa paghimo nga syudad sa Polomolok, pagpabakod sang economic enterprise sang probinsya, pagkaayo sang road network agud mapanaug ang produkto sang mga mangunguma kag iban pa.
Apang gin-ako sang gobernador nga nalimtan niya nga mamensyunar sa 100 days report ang pagtukod sang Balay Silangan para sa mga drug dependents kag pagtapna sang illegal drugs sa Provincial Jail.
Ginkumpirmar niya man nga nalab-ot niya ang mga target nga himuon sa sulod sang 100 ka adlaw sa pwesto.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
