Malaybalay City, Bukidnon – Aduna matud pay tulo ka aspeto ang pagpatuman sa Philippine National Police sa Oplan Tokhang.
Sa interview sa RMN Malaybalay ngadto kang PNP 10 Regional Spokesperson PSupt. Lemuel Gonda gibutyag niini nga adunay gitawag nga pre-tokhang phase, ilawom matud pa niini ilang e-validate pinaagi sa ilang mga intelligence unit ang mga pangalan nga anaa sa listahan sa mga drogista nga nalambigit sa pagbaligya ug paggamit sa sa illegal nga droga sa usa ka barangay.
Ikaduha mao ang tokhang phase diin aduna kini duha ka grupo nga mamahimo ang barangay initiated o police initiated.
Sa bag-o nga Oplan Tokhang dili usab pwede musulod ang mga tokhangers sa panimalay sa gitokhang.
Gisiguro usab sa PNP nga gipailawom sa orientation ang mga tokhangers aron mahan-ay ang ilang pagabuhaton ug malikayan ang paglapas sa tawhanong katungod.
Samtang ang ikatulo mao ang post tokhang nga mao ang pag-evaluate sa programa.
Tumong niini aron madunggan ang mga feedback o reaskyon sa publiko sa ilang pagpahigayon sa niini.
Gipakalaro usab ni Gonda nga lahi ang Oplan tokhang ug ang mga anti illegal drug operations ug buy bust operation.
