Pagadian City – Posibleng himoong Covid-19 Hospital ang bag-o lang gi-ablihan nga Pagadian City Infirmary Hospital kun ugaling simbako lang mosaka ang kaso sa Covid-19 sa syudad nga dala sa hulga sa Delta Variant.
Kini ang giluwatan nga pamahayag ni Pagadian City Sammy Co atol sa iyang pakig-atubang kagahapon sa mga Staff sa naasoy nga ospital ug sa tanang mga Department Heads sa dakbayan.
Hinoon niiining panahona abli na ang ospital og libre o walay bayad ang mga magpatambal niini.
Gipahimangnuan usab sa Mayor ang mga nurses ug doctor sa Infirmary Hospital nga dili magpunay og balibad sa mga modangop nga pasyente ug dawaton gayud kini bisan unsang sakita ang balon niini ug pasabton lang kun papaulion kay dili makaya sa infirmary hospital.
Gidugang pa niya nga overqualified na sa pagka-infirmary ospital kay daghan ug abante man kini sa natad sa mga ekwepo kun ikompara sa mga infirmary hospitals.
