Pagadian City – Sinovac Vaccine kini ang bakuna nga giturok sa mga opesyales sa yudad sa pagpanguna ni Pagadian City Mayor Sammy Co uban ang mga konsehales sa dakbayan sa Pagadian kagahapong adlawa.
Gihimo ang pagbakuna sa Executive Function Hall, City Complex niining syudad.
Ang mga opesyal nga gibakunahan niagi usab sa tukmang proseso ayha gituslokan sama Physical Examination, Vital Signs Taking, Registration, ug ang paghatag sa card isip pagsunong sa proseso sa Departamento sa Panglawas.
Pinaagi usab sa pagtugot sa DOH hingpit nga nabakunan ang mga opesyales sa syudad.
Aminado ang mayor nga dako og ikatabang ang bakuna sa lawas tawo aron dili dayun makabaton ug balati-an apan kun simbako lang dunay may bation dili ra kini grabi ug hinay lamang ang epekto niini sa lawas kay nabakunahan man kini.//CCTO Asenso Pagadian
