Likawan gid nga magpasilong sa mga puno sang kahoy kon maabtan sang ulan nga may pagpangilat .
Ini ang panugyan sang Philippine Atmospheric Geophysical and Astronomical Services Administration ukon PAGASA kasunod sang insidente sa Sipalay City, Negros Occidental sa diin, napatay ang 6 ka miyembro sang isa ka pamilya matapos naigo sang kilat .
Suno kay Michael Viola sang PAGASA Iloilo, una nga gina-igo sang kilat ang mga mataas nga butang sa wayang gani likawan gid nga magpasilong sa puno sang kahoy ukon sa poste.
Dugang pa ni Viola nga likawan nga maghigda sa duta kon yara sa wayang kag kon madamo ang mga nagapasilong , nagakadapat nga layo ang distansya sa isa kag isa agud indi ma- ulamid ang iban kon may maigo sang kilat.
Suno pa sa PAGASA nga likawan man ang pagdala ukon ang paggamit sang mga metallic object lakip na ang cellphone kag ang pagpaandar sang mga appliances kon nagapangilat bangud conductor ini sang kuryente kag mahimo iguon sang kilat.
Photo from web
