Adunay gi-issue ang Philippine Atmospheric Geophysical and Astronomical Services Administration kun Pagasa nga regional weather forecast sa Visayas, Palawan ug Occidental Mindoro para karong gabhiona ug valid kini hangtud alas sais sa gabie ugmang adlawa.
Matud sa Pag-asa nga ang Western Visayas, Palawan, ug Occidental Mindoro makasinati ug pag-ulan tungod sa Habagat.
Samtang, madag-umon nga kalangitan inubanan ug hinay ngadto sa kasarangan nga pag-ulan ug pagpanugdog-kilat ang masinati sa ubang dapit sa Kabisay-an mugna sa Monsoon Trough/Habagat.
Kusog ngadto sa kusog kaayo nga paghuros sa hangin nga gikan sa Habagatang-Kasadpan ang magpasulabi sa Occidental Mindoro ug Kasadpang bahin sa Palawan ug diin ang kadagatan aning lugara labihang mabaluron.
Samtang, kasarangan ngadto sa kusog nga hangin nga nagagikan sa Habagatan ngadto sa Habagatang-Kasadpan ang magpasulabi sa Visayas ug sa nahabiling bahin sa Palawan diin adunay kasarangan ngadto sa mabaluron nga kadagatan.
Dugang sa Pagasa nga ang minimum temperature sa dakbayan sa Sugbo kay 26°C samtang ang maximum temperature kay 33°C.
