Nadugangan sang isa ang 20 nga napatay sa nagluntad nga disgrasya sa bahin sang Barangay Lamsalome, T`boli, South Cotabato matapos nga nabawian na sang kabuhi ang 12-anyos nga si Dave Ayupan samtang ginapaidalom sa medikasyon sa Southern Philippines Medical Center base sa datos sang Provincial Disaster Risk Reduction and Management Office.
Samtang ang isa ka pasyenti nga si Analyn Pendatun nga yara man sa kritikal nga kondisyon ang tigayon na nga nakabugtaw suno kay PDRRMO Warning and Operations Division Chief Rolly Aquino.
May-angot sini, ginkumpirmar ni Provincial Social Welfare and Development Officer Haidie Agustin nga madamo sang ahensya sang gobyerno ang naghatag sang ayuda sa mga napatay kag survivors sa nagluntad nga trahedya.
Suno sa iya ang provincial government sang South Cotabato ang nakahatag na sang P10k sa pamilya sang mga napatay, DSWD 12 naghatag sang P25k sa pamilya sang napatay kag P10k sa mga survivors, Lgu T`boli –P5k, Lgu –Surallah P10k, Office of the President kag Senador Bong Go naghatag man sang P33k sa mga biktima kag may iban pa nga nagahatag man sang bulig sa mga biktima.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
