Davao City – Pangandaman sa City Government of Davao kung opisyal na nga sugdan ang pagbakuna sa mga menor de edad nga nahilakip sa Priority A3 sa vaccination batok sa Coronavirus Disease 2019 (COVID-19).
Matud ni Davao City Mayor Sara Duterte-Carpio (sa interbyu sa city-owned radio) nga sundon sa Local Government Unit (LGU)-Davao ang guidelines nga ipagawas sa Department of Health (DOH) labot sa lakang nga pagbakuna sa 17-anyos paubos nga adunay comorbidities kun balatian.
“Kung mao na ang direction and duna nay na-issue nga document ang atoang DOH ana, then we will follow the guide sa DOH with regard to vaccination of A3 nga mga minors, 17 years old and below,” sulti sa alkalde.
Gibutyag usab ni Mayor Sara nga subay sa Davao City COVID-19 Response Cluster, majority man sa COVID-19 cases natala sa working age group, apan aduna usay nakitang pagtaas sa natakdang nag-edad og 0-9 ug 10-19 years old.
Gidugang ni Duterte-Carpio nga posibleng resulta usab kini sa pagsi-aw sa Delta variant nga paspas nga makatakod sa tawo hinungdan nga angay nga padayon ug istriktong tumanon labi na sa mga ‘adults’ ang minimum public health standards batok COVID-19.
RadyoMaN Kirby Manzon
