Davao City – Ang pagbalibad sa pakighilawas ang gitudlo karong rason sa kapulisan sa pagdunggab-patay sa usa ka akyas John, 19-anyos, nga nakit-an na lamang nga wala nay kinabuhi kilid sa sapa sa Mulig, Toril Davao City human na-missing niadtong Agosto 19, 2021.
Sa interbyu sa DXDC RMN Davao kang Police Lieutenant Jeffry Grant Bangcas, Deputy Station Commander sa Toril PNP, gisaysay niini nga gitionan matud pa og kutsilyo sa biktima ang suspek nga si alyas Roy, 20-anyos human kini midumili sa iyang hangyo nga makipaghilawas hinungdan nga giilog sa suspek ang kutsilyo ug miresulta sa pangdunggab-patay sa biktima.
“While naa sila sa sapa, according sa suspek.. kay uyab lagi sila, nakipaghangyo ‘ning biktima nga makipag-sex sa lalaki. Karon, mura’g gipugos siya sa biktima, gitionan siya’g kutsilyo kung dili musugot. So, mao ‘to nagkaroon og opportunity ang kining suspek, nakuha niyang kutsilyo gidunggab niya ‘tong iyang uyab,” sulti ni Bangcas.
Matud sa pulis, aminado ang suspek nga aduna siyay nahulam sa biktima nga muabot na sa P30, 000.
Walay nakitang selos o ‘third party’ sa relasyon diin kini makonsidera lamang nga plain murder nga mao ang kasong atubangon sa suspek.
Si alyas John nasayrang miyembro sa (Lesbian, gay, bisexual, and transgender) LGBT community.
RadyoMaN Kirby Manzon
