Davao City – Nangandam karon ang Davao City sa pag-resume sa mga commercial flights sa Davao International Airport.
Matud ni Davao City Mayor Inday Sara Duterte-Carpio nga magbutang og screening station sa airport aron masiguro nga ang tanang musakay sa eroplano luwas sa COVID-19.
“Gi-ingnan nato ang atoang City Health Office nga to prepare a 24-hour rotational scheme for mag duty sa airport,” sumala ni Mayor Inday.
Segun sa Mayor nga kung sundon ang distancing ug limit sa flights, anaa sa 2,000 ka mga pasahero kada adlaw ang mogawas sa Davao.
Hinoon wala pay kumpirmasyon kung kanus-a mag-resume ang commercial flights.
“Ang atoang airport gina andam nato for resumption of commercial flights. Initially, June to pero sa recommendation sa IATF karon nga wala pay approval sa atoang presidente, ang Davao City we remain under GCQ. Wala ta kabalo kung i-resume nila ang commercial flights,” sumala sa mayor.
Gihulat pa sa Mayor ang IATF guidelines o palisiya sa tanang airports sa nasud ug kung kinsa lamang ang mahimong mogamit sa air travel.
RadyoMaN Aimee Guinita
