Davao City – Gikahinaman sa pipila ka magtutudlo sa pampublikong sekondarya nga mabalik na sa Hunyo ang pagsugod sa klase.
Pabor si Davao City National High School Balik Eskwela Program Coordinator Maricor Dalisay, ibalik sa Hunyo ang klase sa katarungan nga apektado kaayo ang panglawas sa mga magtutudlo ug estudyante gumikan sa grabe ka-init nga nasinati gikan sa bulan sa Abril ug Mayo.
Giingon ni Dalisay, sa matag-summer daghan manggawas nga balatian ug usa na niini ang sore eyes nga moresulta sa outbreak sa pipila ka tulonghaan sa syudad ug ubang dapit, nunot sa kadaghang mga magtutudlo ug estudyante nga nakasinati sa maong sakit sa miaging summer season.
Hinoon matud ni Dalisay, kung ibalik sa Hunyo ang pagsugod sa klase, apan dili pa kini karon ug posibleng sa sunod school calendar.
RadyoMaN Joel Viray
Facebook Comments
