NEDA 6 – Indi problema sa National Economic Development Authority (NEDA) ang pagbalik sang Negros Occidental sa region 6.
Suno kay NEDA-6 Dir. Roan Bacal gina-anticipate na nila ini nga posibilidad base sa instruction sa ila sang central office.
Gin-ako ni Bacal nga nahambalan ini sa sinapol sang gabinite kag mismo si budget Sec. Benjamin Diokno ang nagsiling nga wala sang budget para sa pagtukod sang mga regional offices.
Ginpasalig man ni Bacal nga sa pagbalik sang Negros Occidental sa region 6 makita man ang prioridad sang probinsya sa pagdihon sang Regional Development Investment Plan ukon RDIP.
Kahapon ginrevoke na ni Pres. Duterte ang executive order no. 83 series of 2015 nga nagatukod sang Negros Island Region nga nagataingub sang Occidental kag Oriental sa Region 18.
