General Santos City–Posibleng mahagbong sa areglo ang nahitabo sa driver sa mixer nga si Juvy Alita,hamtong ang pangidaron, residente sa Lebak Sultan Kudarat kansa naputolan sa iyang usa ka tiil human kini nabanggaan sa pampasaherong van nga gimanehoan ni George Bacuy nga taga Polomolok Sot.Cot.
Kini ang nahimong pamahayag ni Police Captain Romeo Albano Jr. ang Chief Of Police sa Tantangan PNP human nga nahinabi sa DXMD-RMN News Team nga sumala pa niini nga andam tubagon sa pamilya sa driver sa van ang tanang galastuson sa biktima sa ospita.
Saysay usab sa opisyal nga ilaha na lamang gipaabot ang pamilya sa duha ka kampo nga magpirmahanay sa ilang kasabutan aron ilaha man usab mapagawas sa kustudiya ang driver sa van,samtang pabilin nga nagpaalim sa ospital ang biktima ug luwas na kini sa makuyaw nga kahimtang.(Reynald Timario)
