General Santos City–Posibling mahagbong sa areglo ang nahitabong banggaanay sa Elf Truck ug pick up nga nahitabo sa national Highway sakop sa Barangay Pagalungan, lungsod sa Polomolok, South Cotabato niadtong nakalabayng gabie.
Sumala ni Po3 Boby Vellena, Traffic Investigator sa Traffic Management Unit nga sa karon aduna nay inisyal nga panaghisgot tali sa duha ka mga kampo ug ila nalang nga i-finalize higayon nga mahuman na ug sabot ang mga nahingtungdan.
Nasayran nga gimanihuan ni Sherwin Badjonaid ang iyang pick-up dihang kalit lang mitabok sa kalsada ang usa ka baka, gilikayan kini sa nahisgutan apan mibangga kini sa nakasugat ng Elf Truck nga gimanihuan ni Abduka Amid.
Mukabat ngadto sa 19 ka mga pasahero sa duha ka mga sakyanan ang angol sa maong isidenti.
Apil sa maong ihap ang driver sa pick up ug ang driver sa elf truck. Nasayran nga 15 ang sakay sa elf samtang upat ang pasahero sa pick up..
Human sa insidenti, subling nanawagan ang kapulisan sa Polomolok ngadto sa mga motorista nga maghinay-hinay lang sa pagpadagan sa ilang mga sakyanan aron nga malikayan ang disgrasya sa kadalanan.
