Kumbensido si Trade and Industry Secretary Ramon Lopez nga pamatuod nga mabakod ang pagsalig sang mga investors sa gobyerno kag sa dalagan sang ekonomiya sang pungsod ang padayon nga pagbaskog sang stock market sang pungsod.
Ginhimo ni Secretary Lopez ang pahayag sa atubang sang padayon nga record high nga stock index sa mga nakaligad nga adlaw.
Ginpahayag ni Lopez, ginalauman sang mga investors nga mas magaayo pa ang ekonomiya sang pungsod kag nagapati sila sa economic fundamentals ni pangulong Rodrigo Duterte.
Suno kay Lopez nga nakabase ini sa nakita nila nga pagsanyog sang Gross Domestic Product ukon GDP manufacturing nga may yara sang 9.4% growth rate kag nagadamo nga magaresulta sang mas maayo nga market activity.
Ginpamilit pa ni Lopez nga nakabulig man sa confidence building ang bag-o nga Tax Reform Acceleration and Inclusion ukon TRAIN law nga makadugang sa buhis sang gobyerno nga magamit sa mga proyekto.
(photo from web)
