Pagbaton og CR gikinahangalan

29

Davao City – Usa sa importanteng lawak sa pribado ug pampublikong lugar mao ang comfort room kay mao kini ang adtuan sa tanan kung mutokar ang sugo sa lawas sama sa pagpangihi ug pagbawas og hugaw.

Sa Agdao Barangay Lapu-Lapu, giprogamahan sa mga opisyales ang mga tawo nga nanimuyo sa baybay kansang walay kaugalingong CR ug ang gihimong comfort room mao ang sea wall ug sa dagat.


Matud ni Kapitan Romeo Evangelista nga sa wala pa’y comfort room ang mga nagpuyo daplin sa dagat maong baho ug hugaw gani napuno sa mga langaw ang sea wall kay gihimo kini nga daw CR sa mga tawo.

Busa aron matabangan ang mga walay cr nag-inisiyatibo ang mga opisyal sa pagkuot sa ilang bulsa aron makapalit og inidoro ug gihatag sa mga pamilya nga walay comfort room.

Suma ni Kapitan Evangelista nga sukad nakabaton na og tagsa-tagsa ka CR ang mga benepisaryo daw limpyo na ug walay na’y baho ang sea wall maong ginasuroyan na kini sa mga tawo karon.

Gibanabanaang anaa sa 2.6 bilyon ka balay sa tibuok kalibutan ang walay CR ug sagad kanila wala sab maghimo og personal hygiene.

Ang hugaw sa tawo magdala og bacteria sama sa ecoli ug diarrhea ug gani mao kini ang hinungdan sa kamatayon sa sais mil ka bata sa tibuok kalibutan matag tuig.

Bisan tuod og aduna na’y kaugalingong CR ang mga namuyo daplin sa dagat ug sa squatter area wala gi-hapon magkumpiyansa ang kapitan ug iyang gideploy ang bantay dagat aron sitahon ang mga tawo nga musuway og pangihi ug pagawas og hugaw sa sea wall.

RadyoMaN Joel Viray

Facebook Comments

From Advertisers