Gipahayag karon ni presidential Adviser on the Peace Process Jesus Dureza nga walay nahitabo nga bayaran sa ransom money para gawasnon si Jose Duterte gikan sa mga kamot sa bandidong Abu Sayyaf sa Sulu.
Si Jose Duterte nga dili ka banay ni Pres. Rodrigo Duterte una na nga gibuhian niadtong nakalabayng semana human sa subra usa ka tuig nga pagka kidnap. Giangkon sab ni Dureza nga niadtong panahon sa negosasyon, adunay mga negosyador ang nag-estorya kaniya nga nangayo kuno ug ransom ang mga bandido.
Dinhi na kuno siya midestansya ug wala na siya nanghilabot pa. Namahayag si Dureza nga dili kuno manghilabot ang gobyerno kung adunay kaugalingong pakig-areglo ang pamilya sa mga kidnapers.
Samtang, dungan niini, gidayeg sa opisyal ang militar nga maoy nahimong dalan sa pagbuhi kang Jose Duterte ug sa misis niini bag-uhay lang sa Panamao Sulo ug sa usa pa ka dalagita.(JOYENGOC)
