General Santos City–Ginasuta na karon sa pamunuan sa 6th Infantry Division ang tinuoray nga nahitabo kalabutan sa pagkamatay sa usa ka miyembro sa pamilyang Masla ug pagkaangol sa duha pa human nabuthan ug bomba ang ilang panimalay nga natigayon sa pay Pikit North Cotabato niadtong Hwebes sa kaadlawon.
Nasayran nga duha ka mga bersyon ang nanggawas sa kasamtangan usa niini nga ang bomba matud pa nga mibusikad gikan sa eroplano sa militar, samtang laing bersyon nga ang mibusikad gikan mismo sa IED nga anaa lang sa lugar.
Base sa Pamahayag ni Major Homer Estores, spokesperson sa 6th ID nga nagpahigayon ug security Operation ang ilang tropa sa boundary nga bahin sa may Cotabato province ug Maguindanao batok sa grupong BIFF nga anaa sa lugar.
Samtang gikumperma usab ni Major Estores nga miyembro sa BIFF ang namatay nga si Misba Masla.
Ilawom matud pa ang mga nasampit sa BIFF-bungos faction nga nagalihukan sa boundary sa Cotabato Province ug Maguindanao. Apan hugtanon usab kining gihimakak sa mga kabanay sa biktimang namatay.
