Gimando karon ni Cagayan de Oro City Mayor Oscar Moreno ang pagbutang og mga hand washing facilities, alcohol o hand sanitizers sa pribado ug pampublikong tunghaan, simbahan ug mga establisemento ning syudad.
Kini aron mapanalipdan ug malikayan nga mataptan sa Novel Corona Virus (2019-nCoV) ang katawhan sa Cagayan de Oro.
Gihan-ay na usab sa technical working group sa task force on 2019-nCoV ang
ang pagbutang og mga information materials bahin sa 2019-nCoV.
Samtang, andam na ang halos tanang barangay ning syudad pinaagi sa activation sa Barangay Health Emergency Response Team nga maoy front liners sa ilang komunidad sa pag-ila ug pagsubay sa mga adunay travel history sa mga nasud nga apektado sa virus.
Gipasabot usab ni City Health Officer, Dr. Lorraine Nery nga mahinungdanon ang barangay level monitoring and surveillance aron masiguro ang pagpakgang sa 2019-nCoV.
