4:45 AM 7FEB2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 285 km Sidlakan Habagatang-sidlakan (East Southeast) nga bahin sa Davao City ganihang 3:00 sa buntag.
Ang Northern Mindanao apektado sa Trough o extension sa LPA ug Tail End of Cold Front tungod niini maka-sinati sa madag-umon nga kalangitan inubanan sa katag-katag nga pag ulan. Samtang ang Northeast Monsoon (Amihan) dili direktang maka-apekto sa Mindanao.
Ang Tail-End of a Cold Front mao ang pagtagbo sa bugnaw ug init nga hangin nga posibling moresulta sa katag katag nga pag ulan.
Kasarangan (moderate) nga hangin gikan sa Amihanang-sidlakan (Northeast) ngadto sa Sidlakan (East) maoy mo-resulta sa 1.2 – 2.5 meters nga balud sa kadagatan sa Mindanao.
Gi-wala na ang Heavy Rainfall Warning sa tibuok Mindanao kini basi sa pahimangno sa PAGASA ganihang 4:20 sa buntag.
Nagpabiling mapanganuron ang Cagayan de Oro karong orasa.
Mapanganuron usab sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
