Gitugyan na sa Bukidnon Provincial Police Office kon BPPO ngadto sa mga city o municipal police station sa pagsuta sa mga motorista nga hatagan sa clean rider sticker.
Sa interview sa RMN Malaybalay ngadto kang PSI Jisell Longakit, ang tigpamaba sa PNP Provincial Command gibutyag ninii nga gipahigayon ang launching sa probinsya kaniadtong Setyembre 15 ning tuiga sa mao nga Clean Rider campaign.
Ang pagbutang sa mga sticker sa mga motorsiklo tugutan lamang sa mga otoridad kung kumpleto sa mga papeles ang mga nanag-iya sa sakyanan.
Gipadali usab sa pamunuan sa PNP ang kampanya sa sticker sa pulis aron bulagon ang mga maayo gikan sa dautan o aron mailhan ang mga driver sa motorsiklo nga nagsunod sa balaod.
Ang pagpatuman sa kampanyang “Clean Rider” agig pagpakusog sa pulisya maubsan ang kriminalidad nga gihimo sa mga tawong gigamit ang motorsiklo sama sa riding in tandem attack.
