Davao City – Mamahimo nang silotan ang masakpan nga magdalikyat og sulod og mga kontrabando sa City Jail ug uban pang kulungan dinhi sa syudad sa Davao.
Sa gipahigayong 20th session sa 18th City Council karong adlawa, gi-aprubahan na ang ordinansa bahin sa pagsilot sa mga masakpan nga mag gamit ingon man magdala og kontrabando sulod sa mga prisohan dinhi sa dakbayan sama sa blades, sigarilyo, pornographic materials, binong makahubog, electronic communication devices sama sa cellular phones, ug gambling paraphernalia.
Kahinumdoman nga gibutyag ni Davao City Council Committee on Public Safety and Security chairperson Councilor Mabel Acosta nga ang pagkompiska lamang ang mamahimong aksyon kaniadto sa mga opisyales sa Davao City Jail gani giduso niini ang maong ordinansa aron masilotan ang mga malapason.
Sa maong ordinansa, adunay P5,000 nga penalty ngadto sa first offense ug 24-hour community service lakip ang subsidiary imprisonment kun galing dili motuman sa community service; P5,000 ug 120-hour nga community service lakip usab ang subsidiary imprisonment sa non-compliance; samtang P5,000 ug imprisonment subay sa desisyon sa korte ug perpetual ban sa pagbisita sa ikatulong offense.
RadyoMaN Jason Amisola
