Suno sa kay Iloilo Provincial Health Officer II Dr. Ma. Socorro Quinion isa sa mga factor sa possible pagtaas sang prevalence rate bangud 46.79% lang sang mga kabataan sa bilog nga banwa ang gintakos.
Ginpaathag man sini nga kon nagadamo ang “stunted growth physically” sang mga bata naga kahulugan man nga “stunnted cognitively” ang ila utok okon naga- mango.
Sa gintakos nga 4,902 ka kabataan may yara sang 1,324 ang putot.
Ginasundan ini sang Badiangan nga may 440 okon 25.6%, Carles nga may 1, 429 okon 24.49%, Alimodian 529 okon 17.61%, Leganes nga may 405 okon 16.29%, Batad nga may 427 okon 13.93% Lemery nga may 410 okon 13.89%, Bingawan nga may 170 okon 13.07% kag Concepcion nga may 452 okon 15%.
Pahayag pa ni Quinion nga natigayun na nila nga na-istorya ang mga Local Government Unit okon LGU official, sa banwa kag sa mga kabarangayan para masabat ang nasambit nga problema.
Nagpanguna man ang banwa sang Pototan sa tanan nga parameter sa mga kabataan nga madamo ang under-nutrition, overweight kag stunting.
Mensahe ni Dr. Quinion sa mga iloy nga magkaon sang masustansiya nga pagkaon kon nagabusong.
May ara man suno sa iya sang iron folic acid nga available sa mga Health Centers kag mga hospital para sa mga iloy nga kabahin sang ila programa sa idalum sang una nga 1,000 days sang naga busong nga mga iloy.
