Roxas City, Capiz – Ginpasidonggan kahapon nga adlaw sang Capiz PPO ang mga best performers nga mga police stations sa bilog nga Capiz kadungan sang ginpatigayon nga Flag Raising and Awarding Ceremonies sa Camp Apil, Brgy Lanot, Roxas City.
Sa programa nga gintig-ulohan nga “Pagdayaw sa Tampad nga Serbisyo”, kalakip sa mga ginpasidunggan amo ang Provincial Drug Enforcement Unit, Roxas City PNP kag Panay PNP nga nagpangibabaw sa Illegal Drug Accomplishment.
Ginpasidunggan man ang President Roxas PNP, Tapaz PNP, Roxas City PNP, Cuartero PNP kag Maayon PNP bangud sa masangkaron nga pagdakop sa mga Top Most Wanted Persons.
Ang Cuartero PNP, Dumarao PNP, Maayon PNP kag Pontevedra PNP ang ginkilala bangud sa pagpang-arestar sa mga Other Wanted Persons.
Ang Roxas City PNP kag Dumalag PNP ang ginrekognisar man bangud sa kampanya kontra Illegal Gambling samtang ang Pilar PNP, Panay PNP kag Roxas City PNP ang ginkilala bangud sa accomplishment sa Illegal Fishing.
Sa kampanya kontra illegal logging, ginpasidunggan man ang Ivisan PNP samtang ang Roxas City PNP, Dumarao PNP kag Dao PNP ang ginpasidunggan bangud sa pag-implementar sang “Tokhang Kontra Guinadumilian nga Pusil”; subong man ang Maayon kag Pilar PNP.
📸 Capiz PPO Pcads
