General Santos City—nagpadayag na sa ilahang mga syentemento ang mga konsehal sa General Santos pinaagi sa pagpasa og usa ka resolusyon nga nag deklara og persona non grata batok kang Gensan City Police Director Senior Supt. Ruel Berango.
Matud pa kang Sangguniang Panlungsod Secretary Atty. Rosendo Roque nga nag ugat ang kasuko sa mga konsehal sa dihang wala matud pa gituman ni City PNP Director Bernago ang nahimong mando ni Gensan City Mayor Ronnel Rivera nga pagpasara sa tanang mga Small Town Lottery lotto outlet sa dakbayan.
Dugang pa ni Atty. Roque nga un welcome na si Berango sa Gensan og maglisud na kini sa pag perform sa iyahang trabaho isip City PNP Director tungod sa posibling wala kini makuhang suporta gikan sa mga opisyal sa siyudad.
Di na kinahanglan pa ang perma ni Mayor Rivera sa maong resolusyon tungod naka address ang pagdeklara sa Sangguniang Panlungsod og persona non grata kang City PNP Director Ruel Bernago ngadto kang Chief PNP Director General Ronald Bato Delarosa og ngadto kang Pangulong Rodrigo Duterte.
Aminado si Atty Roque nga first time kining nahitabo sa liderato sa gensan City Police Command nga may nadeklarang persona non grata sa konseho, apan sobli na kining nahitabo kaniadtong mga nanglabayng katuigan nga may gideklara usab ang Sangguning Panlungsod nga persona non grata nga usa ka miyembro sa Philippine Army nga mao si Army Captain Guinolbay nga nalambigit sa pagpangulata kaniadto sa usa ka imnanan sa may national highway.. (Emir Bariquit)
