Davao City – Wala gi-uyonan sa Police Regional Office 11 (PRO-XI) ang pagdeklara sa syudad sa Davao isip pinakausa sa kaso sa pagpanglugos.
Sumala ni PRO-XI Regional Director Police Chief Supt. Marcelo Morales, usa lang ka quarter ang gibasehan sa maong akusasyon ug dili sa kinatibuk-an.
Apan luyo niini, atubangon sa kapulisan ang hagit sa pagkunhod sa kaso sa pagpanglugos sa Davao region.
“It’s not about the statistics that matter but the life of the victim that was affected,” matud ni Rivera.
Gitataw sa maong hepe nga ang nag-unang kawsa sa pagpanglugos mao ang pakig-inum sa higala diin mamentaha ang kalalakinhan sa kaubang babaye ug sagad mahitabo sa mga nag edad sa 15-21 anyos.
“Dili nalang mag inum o kung mag-inum man drink moderately lang,” ingon ni Morales.
Dugang pa sa PRO-XI Regional Director nga usa pa sa natalang kaso sa pagpanglugos naggikan sa mga panimalay diin kabanay ra usab ang mamiktima sa kaugalingong miyembro sa pamilya.
Subay niini, makig koordinar sila sa mga opisyales sa barangay aron did-an na ang mga tindahan sa pagpamaligya og bino ngadto sa mga minor diin posibleng muatubang og administrative order o posibleng closure order ang mosupak niini.
RadyoMaN Jason Amisola
