Pagdumala sa patubig sa dakbayan sa Iligan laraw nga itugyan sa pribadong kumpanya

ILIGAN CITY- Laraw  karon  sa kagamhanang  lokal  sa Iligan  nga  ipadumala sa pribadong  kumpanya  ang operasyon  sa  patubig dinhi  sa  syudad.
 
Kini  mao’y  gibutyag ni  City  Mayor Celso  Regencia  atubangan sa  mga  barangay kapitan  sa dakbayan.
 

Matud  sa  mayor nga  dugay  na kaayong  problema  ang patubig  sa  iligan hinungdan nga  kinahanglan  na gayud  kining  masulbad aron  kahatagan  sa insaktong  supply  sa tubig ang  katawhan.  
Atubangon  ni  Regencia ang  usa  ka pribadong  kumpanya  karong adlaw’ng  lunes  aron hisgutan ang  ilang  pagdumala sa  patubig  sa dakbayan  sa  Iligan.