Ginahulat ni Governor Arthur Defensor ang mangin direktiba sang DILG natuhoy sa pagdumili sang carolling sa panahon sang Paskuwa.
Suno kay Governor Defensor nga sa karon indi pa siya makapaguwa sang Executive order natuhoy diri bangud maga-depende ang iya tikang sa mandu sang national government pinaagi sa DILG.
Una diri, ginsuhestyon sang mga mayors sa kabanwahanan nga idumili ang paghiwat sang carolling sa paskuwa agud mapunggan ang paglapta sang COVID-19.
Samtang may kaangtanan naman sa fireworks display, ginpahayag sang gobernador nga depende gihapon sa national government kon ano ang patakaran sa mga firecrackers kag nagahulat lamang siya sa igapaguwa nga issuance sang DILG kag pagasundon ini sang provincial government.
Facebook Comments
