Ipasusi karon sa kagamhanang lokal sa Iligan ang dakung bargeĀ nga nagdunggo sa kadagatan sa Iligan Bay tungod sa may Purok San Juan, Barangay Sta. Filomena.
Kini human madawat ang report gikan sa usa ka negosyante ug residente nga nagsupsop kini og balas gamit ang dakung tubo sa likod nga bahin nga gipabitay sa tubig paingon sa ilalom sa dagat.
Matud pa ni Iligan City administrator Atty. Leo Zaragoza, gitawagan na sa iyang buhatan ang Mines and Geosciences Bureau (MGB)Ā ug nag request na og mga divers aron masalom kini ug makumpirma ang report.
Sa pagpakighinabi sa RMN News ngadto sa mga residente sa dapit, unang higayon pa lang nilaāng nakit-an ang nasangpit nga bargeĀ nga adunay pangalan nga Manila.
Una kining midunggo tungod sa kadagatan sa Barangay Kiwalan, mga kapin kun kulang duha ka semana na ang nakalabay, apan niadtong nakalabayāng semana, nabantayan sa usa ka residente nga mibalhin kini sa may Sta. Filomena, mi-angkla sa gilay-on nga 15 ngadto sa 20 metros lang ang gilay-on gikan sa baybayon.Ā
Hinoon, walay nakitang gilabay nga hugaw gikan sa maong bargeĀ apan nabalaka sila nga mahurot ang mga balas sa dapit kun ugaling tinood nga naghakot kini og mga balas.
