Sa interview sa RMN Malaybalay ngadto kang Nicandro Borja, Director for Operations sa ALU-TUCP-X, gibutyag niini nga matag Rehiyon ang pagduso sa petisyon alang sa pagsaka sa sweldo diin nakaduso na ang Davao, ug mga kasigpit nga Rehiyon. Sa umaabot Marso 28 usab magduso ang buhatan og petisyon alang sa Rehiyon-X.
Dugang niya nga gikinahanglan na ang pagduso sa petisyon alang sa mga trabahante nga gahandum sa pagsaka sa sweldo gumikan na usab sa pagsaka sa presyo sa panaliton.
Dugang ni Borja nga magdula sa P600 hangtud sa P800 ang pagsaka nga ilang ginadahom nga maaprobahan.
Pila na katuig sumala pa nga walay pagsaka sa sweldo sa Rehiyon-X maong gikinahanglan na ang pagsaka sa sweldo sa mga trabahante.
Wala usab kuno maapektuhan ang pagduso nila og petisyon bisan sa gipatumang rollback sa presyo sa gasolina kagahapon.
