Pageant Expert: MMD, ‘strong contender’ alang sa Miss Universe 2023

Nahimong ‘talk of the town’ karon ang pagpakitang gilas sa pambato sa Pilipinas nga si Michelle Marquez Dee human nikatag online ang video sa ilang rehearsal kung asa ‘Filipinas’ ang iyang gisinggit atol sa ilang self-introduction alang sa Miss Universe 2023.

Sa pakighinabi sa DXDC RMN Davao sa usa ka event organizer ug pageant expert nga si Harold Quibete, iyang gibutyag nga ang paggamit ni MMD sa Spanish language, usa sa maayong paagi aron mapasibaw niya ang iyang adbokasiya ug aron siya mamahimong ‘relatable’ sa latin country nga El Salvador kung asa pagahitabuon ang maong pageant.

“I really appreciate also that we have sent someone who can really walk the top and someone who is strong in terms of appearance, grace and I hope that she will make it till the end, the last part of the Miss Universe pageant. I believe that we have really a strong contender for the pageant,” segun ni Quibete.

Apan, dugang niya nga dili angay magpakampante tungod daghang dark horse ang kompetisyon nga kung kinsa pa katong wala gilauman nga mudaog, mao pa ang muarangkada sa katapusan.

Nakita usab ni Quibete nga mutigi sab sa Miss Universe 2023 ang mga nasud nga sama sa Nicaragua, South Africa, Thailand, ug Cambodia maong angayan bantayan nga dili mahagbong ang tanan nga preparasyon ni Dee hangtod sa finals.