Kun itandi ang kahimtang kagahapon sa unang adlaw sa pag-file sa Certificate of Candidacy sa Comelec District Office mas hapsay karong adlawa.
Sumala ni Police Captain Rizalito Clapiz III, ground commander sa Comelec District Office nga sa main gate palang daan sa Magsaysay Park ila nang gi-pugngan ang pagpasulod sa mga kandidato nga mu-file sa ilang COC.
Matud ni Clapiz nga ila usab nga gisuta kun kumpleto ang notaryadong dokumento nga gidala sa matag kandidato ingun man ang walay COC dili nila tugutan nga makasulod sa vicinity sa Comelec designated area sa tulo ka mga political district sa syudad sa Dabaw.
Gidugang ni Clapiz nga angay ipakita sa mga kandidato ang disiplina kay ug palaron mahimo na silang opisyal sa Barangay sila nga mupatuman sa balaod rason nga sa filing sa COC palang ipakita na nila nga sila ehemplo nga musunod sa polisya.
RadyoMaN Erin Lumosbog
Facebook Comments
